америкада бир филимни сүрәткә елиш җәрйанида вәқә йүз бәрди

түркийә авази радийоси хәвири:  америкалиқ даңлиқ артис алек балдвин (Alec Baldwin) филимни сүрәткә елиш җәрйанида ишләткән йәл милтиқниң етилип кетиши нәтиҗисидә, филим ишләш әтритидикиләрдин бир киши җенидин айрилди, бир киши йариланди.

америка таратқулириниң санта фей (Santa Fe) районлуқ ишханисиниң байанатиға асасән елан қилинған хәвәрләрдә көрситилишичә, йеңи мексика иштатида «раст» (Rust) филимини сүрәткә елиш җәрйанида вәқә йүз бәргән.

балдвин сүрәткә елиш җәрйанида ишләткән йәл милтиқниң етилип кетиши нәтиҗисидә, 42 йашлиқ сүрәт режиссори халина хатчинис (Halyna Hutchins) вә 48 йашлиқ режиссор җоел суза (Joel Souza ) йариланған.

вәқә йүз бәргән нәқ мәйданға йетип кәлгән тик учар билән дохтурханиға елип берилған хатчинисниң  җенидин айрилғанлиқи елан қилинди.

қутқузуш машиниси билән башқа дохтурханиға елип берилған сузаниң давамлиқ давалиниватқанлиқи қәйт қилинди.

балдвинниң байанатчиси мәтбуатқа бәргән байанатида, қуруқ милтиқ етлип кетиши нәтиҗисидә йүз бәргән вәқәниң тәсадипий вәқә икәнликини ейтти.

сақчиларниң қорални тәкшүрүватқанлиқи қәйт қилинди.