bélgrad filologiye toluq ottura mektipide türk tili ögitilidu
sérbiyediki eng qedimki toluq ottura mekteplerning biri bolghan bélgrad filologiye toluq ottura mektipide türk tili ögitilidu.
türkiye awazi radiyosi xewiri: yunus emre instituti bélgrad bilen sérbiyediki eng qedimki mekteplerning biri bolghan bélgrad filologiye toluq ottura mektipi otturisida türkchini maarip programmisigha tallash dersliki süpitide kirgüzüsh toghrisida hemkarliq kélishimi imzalandi.
kélishimge asasen, türk tili, medeniyiti we her xil senet katégoriyeliride yighin, söhbet yighini, terjime séxliri we resim körgezmisi qatarliq medeniyet paaliyetlirining teshkillinidighanliqi bayan qilindi.
yunus emre instituti bélgrad dériktori ayshenur kandemir, sérbiyening paytexti bélgradta ötküzülgen imza qoyush murasimida türk medeniyitining tonutulushi we oxshimighan medeniyetlerning biri – biri bilen tonushushida til kurslirining intayin muhim ikenlikini otturigha qoydi.
