niyu yorktiki türk öyi chet ellik diplomatlarni kütüwaldi

türkiye awazi radiyosi xewiri: türk binakarliq uslubi we binaning üstidiki lale shekli bilen menxatton arilidiki bashqa asman pelek binalar arisida alahide közge chéliqip turidighan yéngi türk öyide, nurghun döletlerning diplomatliri türkiyening niyu yorktiki konsoli reyhan özgürning teklipi bilen bir yerge jem boldi.

konsol reyhan özgür söz qilip, yéngi xizmet binasining türkiyening zoriyiwatqan diplomatik we konsolxana xizmetlirige muwapiq layihelengenlikini, türk méhmandostluqidin behir élishni xalaydighan barliq kishilerge ishiklirining ochuq ikenlikini bildürdi.

u chet ellik diplomatlargha xitab qilip, mundaq dédi:

«silerge, körgezme, konférans, ilmiy yighinlar we medeniyet paaliyetlirini ötküzüsh üchün, binamizdin paydilinishinglardin memnunluq hés qilimiz.»

paaliyette türkiye saksfon senetchisi ilxan ershahin orkéstiri nomur orunlidi. diplomatlar binaning 7-qewitide türk yimeklikliridin huzur aldi. diplomatlar niyu yorktiki simwolluq binalarning biri bolghan türk öyide, türkiyening zamaniwi binakarliqigha wekillik qilidighan binani maxtap kökke kötürdi.

b d t omumiy merkizining del uduligha jaylashqan 35 qewetlik türk öyi binasida, türkiyening b d t diki daimiy wakaletxanisi, türkiyening niyu yorktiki konsolxanisi we shimaliy qibris türk jumhuriyitining wakaletxanisi orun alidu.