amérika mutexessisliri 60 yashtin yuqiri bimarlargha aspirin bermeslikni tekitlidi

amérikadiki bir türküm mutexessisler doxturlarni yürek késili yaki palech xewipi bar 60 yash we uningdin yuqiri bimarlargha töwen miqdarda aspirin bermeslikni agahlandurdi.

1719005
amérika mutexessisliri 60 yashtin yuqiri bimarlargha aspirin bermeslikni tekitlidi

türkiye awazi radiyosi xewiri:  amérikadiki bir türküm mutexessisler doxturlarni yürek késili yaki palech xewipi bar 60 yash we uningdin yuqiri bimarlargha töwen miqdarda aspirin bermeslikni agahlandurdi.

musteqil pidaiy mutexessislerdin teshkillengen amérika aldini élish xizmet guruppisi, bolupmu yürek késili yaki palech bolup baqmighan yashanghan bimarlar aspirin ishletkende peyda bolidighan eks tesirlerning paydisidin köp ikenlikini élan qildi.

mutexessisler guruppisi töwen miqdardiki aspirinningmu 60 yash we uningdin yuqiri bimarlarda, hezim qilish sistémisida hayatigha xewp yetküzidighan qanashlarni we yaralarni peyda qilidighanliqi toghrisida agahlandurdi.

mezkur guruppa yene, chong üchey rakigha giriptar bolghanlarning töwen miqdardiki aspirin ishlitishi heqqide 2016-yili bergen teklipini qayturuwalidighanliqini uqturdi.

bayanatta, 40 yashlardiki qanash xewipi bolmighan kishilerge aldini élish xaraktérlik aspirin ishlitishning paydiliq bolushi mumkinliki, 50 yashlardiki kishilerge bolsa, paydisidin ziyinining köp ikenliki qeyt qilindi.

yürek késilige giriptar bolghan bimarlarda töwen miqdardiki aspirinni dawamliq ishlitish tewsiye qilindi.

aghriq peseytküchi dep qarilidighan aspirinning qanni suyuqlandurush roli sewebidin yürek késili we sekte xewipi barlarning qan uyushushini aldini élish meqsitide, 81 milligiramdin 100 milligiramghiche töwen miqdarda ishlitishi tewsiye qilinatti.


خەتكۈچ: #yürek késili , #aspirin

مۇناسىۋەتلىك خەۋەرلەر