amérikadiki süniy hemrah yermenkiside türkiye shirketliri özini namayan qildi

amérikada ötküzülgen dunyadiki eng chong 2021-yilliq satéllayt (Satellite) süniy hemrah yermenkisi tünügün (8-séntebir) marilend ishtatida ötküzüldi.

1705074
amérikadiki süniy hemrah yermenkiside türkiye shirketliri özini namayan qildi

türkiye awazi radiyosi xewiri: amérikaning marilend ishtatida dunyadiki eng chong 2021-yilliq satéllayt süniy hemrah yermenkisi ötküzüldi. yermenkige, türkiyening washingtonda turushluq bash elchisi murat merjan bilen türkiye muawin qatnash ministiri ömer fatih sayan qatnashti.

türkiyening süniy hemrah saheside paaliyet qiliwatqan türksat (Türksat) süniy hemrahi shirkiti, türkiye awiyatsiye we alem sanaiti shirkiti-tusash (TUSAŞ), profen (PROFEN) yermenke zalliri ichidin orun aldi.

yermenkining birinchi künining axirida, türksat, tusash we profen shirketlirining sahibxanliqida, türkiyening washingtondiki elchixana binasida kechlik tamaq ziyapiti bérildi.

bash elchi murat merjan ziyapette, türkiyening alem we süniy hemrah saheside qolgha keltürgen netijiliridin memnun ikenliklirini bildürdi.

muawin qatnash ministiri ömer fatih sayan türkiyening yéqinqi 20 yilda alem we süniy hemrah téxnologiyeliride téz tereqqiyatning barliqqa kelgenlikini eskertip: «bu yerde, türksat, tusash, profenge oxshash shirketlirimiz we bashqa muhim shirketlirimizning qetiy iradisini körüshtin memnunluq hés qilimen. bu sahede téximu chong layiheler we téximu zor muweppeqiyetler bizni kütmekte» dédi.



مۇناسىۋەتلىك خەۋەرلەر