türkiyede muzéyilar köpeydi
türkiye miqyasida muzéyi sani ötken yili (2020) 2019-yiligha sélishturulghanda %5.8 köpiyip 494 ke chiqti.
türkiye awazi radiyosi xewiri: türkiyede muzéyi sani 494 ke yetken bolup, bularning 205 i medeniyet we sayahet ministirliqi tewelikide, 298 i xususiy muzéyi katégoriyesi ichidin orun aldi.
türkiye istatistika idarisi 2020-yiligha munasiwetlik «medeniyet miras istatistikiliri» ni élan qildi.
buninggha asaslanghanda, medeniyet we sayahet ministirliqigha qarashliq muzéyilardiki yadikarliqlar sani, 2020-yili 2019-yiligha sélishturulghanda %0.5 köpiyip 3 milyon 278 ming 114 qa yetken. xususiy muzéyilardiki yadikarliqlar sani oxshash mezgilde %2 köpiyip 416 ming 706 ge yetken.
muzéyilarning bashqurushidiki medeniyet muqim mülüklirining sani oxshash mezgilde %2.6 köpiyip 116 ming 120 ge yetken.
milliy baghchilarning sani 2020-yili 2019-yiligha sélishturulghanda %2.3 köpeygen, tebiet baghchisi %1.2 köpeygen. oxshash mezgilde milliy baghchilarning yüz ölchimi %4.5 kéngiyip 907 ming 520 géktargha yetken.
ötken yili (2020) tebiet baghchisining sani 250 ke köpeygen bolsa, yüz ölchimi 107 ming 632 géktargha chiqqan. tebietni qoghdash sahesining sani %3.3 köpiyip 31 ge chiqqan.
