sénégalliq eskerler diplomlirini aldi
sénégal paytexti dakardiki kap manuél gazarmisida échilghan yunus emre instituti türkche ögitish merkizi üchinchi qarar oqughuchilirining oqush püttürüsh guwahnamisini tarqatti.
türkiye awazi radiyosi xewiri: kap manuél gazarmisida ötküzülgen üchinchi qarar tükche öginish kursi oqughuchilirining oqush püttürüsh murasimigha türkiyening dakarda turushluq bash elchisi ehmet kawas, türkiyening dakarda turushluq herbiy ishlar wekili polkownik lewent guldaghi, dakar yunus emre instituti mudiri merwe ishiq elsiqma, sénégal herbiy meshiq shöbisi mudiri polkownik yehya diop we her qaysi türk organlirining wekilliri qatnashti.
bash elchi kawas sözide, türkiyening afriqada 43 elchixanisining barliqini we bu qite bilen bolghan hemkarliqining kündin-künge küchiyiwatqanliqini éytti.
bu hemkarliqlarning soda sahesidila emes, medeniyet jehettimu tereqqiy qiliwatqanliqini tekitligen kawas, yunus emre institutining buning eng yaxshi ülgisi ikenlikini bayan qilip, diplom alghan eskerlerni tebriklidi.
2020-yili öktebirde bashlanghan 9 ayliq türkche ögitish kursini muweppeqiyetlik tamamlighan 25 esker diplomini yunus emre instituti oqutquchisi imran ipekning qolidin aldi.
oqughuchilar ipekke minnetdarliqini bildürüsh bilen birge her xil sowghatlarni teqdim qildi.
