bulghariye türklirining jamaet erbabi osman qilich paytext enqerede wapat boldi
bulghariyede yashawatqan türklerning jamaet erbabliridin osman qilichning wapati bulghariyediki türkler we bashqa musulmanlar arisida chongqur qayghu peyda qildi.
türkiye awazi radiyosi xewiri: chet eldiki türkler we qérindash xelqler idarisi- y t b ning bashliqi abdullah eren bulghariye türklirining simwolluq kishiliridin biri, diplomat we yazghuchi osman qilichning öyige bérip teziye ziyaritide boldi.
chet eldiki türkler we qérindash xelqler idarisining bu heqtiki yazma bayanatigha asaslanghanda, abdullah eren twittérda hembehirligen uchurida: «bulghariye türklirining 101 yilliq chinar derixi, yashliqini türk xelqi we islam üchün kommunistik tüzümning zindanlirida péda qilghan dewa adimi, shumnu tüwwab medrisesining mudderisi osman qilich taghimiz wapat boldi. rohi shad, makani jennet bolsun» dégen.
u merhum osman qilichning hayatining küresh ichide ötken qehrimanliq hékayliri bilen tolghanliqini bildürüp: «osman taghimizgha bolghan wapadarliq qerzimizni aziraq bolsimu töliwélish üchün 100 yashqa kirgenlikini tebriklep bir pirogramma qilip, ‹teqdir qurbani› namliq kitabini bulgharchigha terjime qilip neshr qildurghan iduq» dédi.
