ناسا يەر شارىغا ئوخشايدىغان بىر پىلانېتانى بايقىدى

تۈركىيە ئاۋازى رادىيوسى خەۋىرى: ناسانىڭ «جېت پروپولشىن» (Jet Propulsion) تەجرىبىخانىسى ۋە يېڭى مېكسىكا ئۇنىۋېرستېتىنىڭ ئالىملىرى «قىزىل پەتەك» دەپمۇ ئاتىلىدىغان M  پەتەك يۇلتۇزىنىڭ ئوربېتاسىدا ئايلىنىدىغان «TOI-1231 b» تاشقى پىلانېتانى بايقىدى.

ناسا ئېنىق بولمىغان ئاتموسفېراسى بار پىلانېتانىڭ يەر شارىغا ئىنتايىن ئوخشايدىغانلىقىنى ئېلان قىلدى.

ئالىملار «TOI-1231 b» پىلانېتانىڭ رادىئوسى ۋە ماسسىسىنى ئۆلچەش ئارقىلىق ئاتموسفېرانىڭ نېمە ئۈچۈن پەيدا بولغانلىقى توغرىسىدا مۇھىم مەلۇماتلارغا ئېرىشتى.

ئاتموسفېراسى تەخمىنەن 57 گىرادۇس بولغان «TOI-1231 b» پىلانېتاسىدىكى زىچ بۇلۇتلار، پىلانېتادا سۇ بولۇشى مۇمكىنلىكىنى بىلدۈرىدۇ.

ناسانىڭ تەتقىقاتچىسى جېننىفېر بېرت (Jennifer Burt): «كېيىنكى كۆزىتىشلىرىمىز، بۇ ئىلمان پىلانېتالارنىڭ ئەتراپىدا سۇ بۇلۇتلىرىنىڭ پەيدا بولۇشىنىڭ قانچىلىك ئومۇملاشقان ياكى ئاز ئىكەنلىكىنى بىلىشىمىزگە ئىمكانىيەت يارىتىپ بېرىدۇ» دېدى.

«TOI-1231 b» پىلانېتاسىنىڭ غايەت زور ھىدروگېن ياكى ھىدروگېن-گېلىي ئاتموسفېراسىغا ۋە ياكى قويۇق سۇ ھورى ئاتموسفېراسىغا ئىگە بولۇش مۇمكىنلىكى قەيت قىلىنماقتا.