türkiyedin 2 muzéy «yawropa yilning muzéyi alahide mukapati» gha érishti
türkiyedin troya muzéyi bilen odunpazari zamaniwi muzéyi «yawropa yilning alahide mukapati» gha layiq körüldi.
türkiye awazi radiyosi xewiri: türkiye medeniyet we sayahet ministirliqining ammiwi ortaqlishish tor bétidiki sehipiside élan qilinghan bayanatqa asaslanghanda, yawropa kéngishining himayisi astida yawropa muzéy munbiri teripidin her yili bérilidighan eng uzun tarixqa ige we eng dangliq muzéy mukapatliridin biri bolghan «yawropa yilning muzéy mukapatliri» ni tarqitish musabiqisi ötküzülgen.
«kowid – 19» yuqumi sewebidin aldinqi yili ötküzülelmigen musabiqide, 2020 – we 2021 – yilliri üchün mukapatqa layiq körülgen muzéylar YouTube ta tünügün kechte élan qilinghan.
chanaqqelediki troya muzéyi 2020 – yili üchün, eskishehirdiki odunpazari zamaniwi muzéyi bolsa, 2021 – yili üchün «yawropa yilning muzéyi alahide mukapati» gha érishken.
bayburt kenan yawuz étnografiye muzéyimu, musabiqide «2021 – yilliq sillétto mukapati» gha layiq körülgen.
