kéchide 7-6 saet yaxshi uxlash yürikingizge paydiliq
7-6 saetlik yaxshi kéchilik uyquning, yürekning salametliki üchün paydiliq ikenliki bildürüldi.
türkiye awazi radiyosi xewiri: amérika yürek késellikliri institutining ilmiy muhakime yighinida sunulghan bir tetqiqat maqaliside, kéchiliri 7-6 saet uxlighan kishilerning, uningdin az yaki köp uxlighan kishilerge qarighanda yürek we palech késilige muptila bolush éhtimalining töwen bolidighanliqi ilgiri sürüldi.
amérikada 2005-yilidin 2010-yilighiche bolghan ariliqta élip bérilghan tekshürüsh doklatida qeyt qilinishiche, tekshürüshke qatnashqan 14 ming 79 neper ottura yashliq kishining melumatlirini analiz qilghan tetqiqatchilar, ularni kéchilik uyqu waqtigha asasen üch katégoriyege ayrip, tomur qétishishqa munasiwetlik yürek késelliklirini tekshürüp, tetqiq qilghan. netijide, uyqu waqti bilen yürek salametliki otturisida muhim baghlinishning barliqini bayqighan.
tetqiqatchilarning mesuli doktor kartik gupta (Kartik Gupta) tetqiqat netijiside, alte saettin az yaki yette saettin artuq uxlighan qatnashquchilarning yürek késilige munasiwetlik amilliridin ölüm amilining eng köp ikenlikini bildürdi.
u peqet uyqu miqdariningla emes, belki uyquning yaxshi bolush-bolmasliqi we chongqurluqiningmu muhim ikenlikini eskertti.
