файзер йил ахириғичә вухән вируси дорисини базарға салидиғанлиқини елан қилди
америка дора ширкити файзер (Pfizer) вухән вируси (Kovid-19) дорисиниң дәсләпки басқуч синақлириниң өткәнликини вә мушу йил (2021) ниң ахириғичә базарға салидиғанлиқиниң тәхмин қилиниватқанлиқини елан қилди.
түркийә авази радийоси хәвири: файзер дора ширкитиниң иҗраийә кеңиши башлиқи шундақла йуқири дәриҗилик башқурғучиси алберт борла (Albert Bourla) вухән вируси ваксинаси билән тәминләш вә ваксинаниң әкс тәсирлири тоғрисида муназирәләр давамлишиватқан бир вақитта, вухән вируси дорисиниң 2021-йилиниң ахириғичә базарға селиниш мумкинликини билдүрди.
у «PF-07321332» исимлик дориниң вирусниң охшимиған варийантлириға қарши турушта, илгирики дориларға қариғанда йуқири үнүмлүк нәтиҗә бериши мумкинликини әскәртти.
дориниң йуқумлинишниң дәсләпки басқучида, давалашта қоллинилидиғанлиқи билинмәктә.
файзерниң илмий тәтқиқат ишлири мәсули майкел долстен (Mikael Dolsten): « PF-07321332ни йуқумниң дәсләпки аламәтлири көрүлгәндә, бемарларниң дохтурханида йетип давалинишиға йаки җиддий давалинишға керәк болмастин, ретсип йезип берилидиған давалаш йошурун күчигә қилип йасидуқ» деди.
дора вухән вирусиниң киши бәдинидә көпийишиниң алдини алиду.
файзерниң мәзкур дориси март (2021) ниң башлирида биринчи басқучлуқ синақтин өткән иди.
