wuxen wirusini besh minutta éniqlighili bolidighan usul ijad qilindi

türkiye awazi radiyosi xewiri: yaponiye n h k (NHK) ning xewirige asaslanghanda, rikén (RIKEN) tetqiqat inistituti bilen tokyo uniwérstétining tetqiqatchiliri wuxen wirusini bayqaydighan yéngi usulni tapqan.

yéngi usulda, sinaqning bir qismi süpitide élinghan ewrishkiler her kwadrat santimétirda bir milyon inchike belge qoyulghan eynek waraqqa qoyuldiken.

mikroskop shekillendürüsh téxnikisi bilen yasalghan eynek taxtay, her biride ayrish mashinisi bar mikro sinaq öyi rolini oynaydiken.

eger uninggha qoyulghan ewrishkide wuxen wirusigha tewe ribonukléik kislata (RNA) barliqi bayqalsa, u sinaq öyidin nur tarqilidiken.

bu usulning kem dégende bir kün waqit serp qilinidighan eneniwi wuxen wirusi tekshürüsh usullirigha oxshimaydighanliqi we mikro öyler arqiliq 5 minut ichide az miqdardiki wiruslarni bayqighili bolidighanliqi qeyt qilindi.

rikén inistitutining asasliq tetqiqatchiliridin rikiya watanabé addiy we téz tekshürüshni öz ichige alghan bu usulning murekkep jeryanlarni öz ichige almaydighanliqini, sodigha aylandurulghinida sehiye organlirining paydilinalaydighanliqini bildürdi.