наса бүгүн марста тик учар учуриду
америка аләм қатниши идариси-наса (NASA) марсқа әвәткән «маһарәт» тик учарини бүгүн (2021-йили 19-апрел) учурушни синақ қилиду.
1624201
түркийә авази радийоси хәвири: америка аләм қатниши идариси-наса (NASA) марсқа әвәткән «маһарәт» тик учарини бүгүн (2021-йили 19-апрел) учурушни синақ қилиду.
б б с ниң түркчә хәвиридә билдүрүлишичә, «маһарәт» тик учарини синақ қилиш мувәппәқийәтлик болса, башқа планетада әмәлгә ашқан тунҗи қетимлиқ контроллуқ астидики учуш һесаблинидикән.
тик учарни 11-апрелда синақ қилиш пилан қилинған болуп, йумтал хаталиқи сәвәбидин кечиктүрүлгән иди. дәсләпки синақта тик учарниң йәрдин үч метир егизликкә көтүрүлүши вә 30 секунт учқандин кейин қонуши пилан қилинди.
тик учарни учурушниң мәқситиниң, бу технологийәниң башқа пиланетадиму ишләйдиғанлиқини көрситиш икәнлики қәйт қилинди.
