бостон түрк кино - филим фестевали

талланған түрк филимлири қатнаштурулидиған 20 – нөвәтлик бостон түрк кино – филим фестивали 20- апрелдин 30-апрелғичә америка қошма иштатлирида өткүзүлиду.

1617115
бостон түрк кино - филим фестевали

түркийә авази радийоси хәвири: вухән вируси (ковид – 19) сәвәбидин интернет муһитида өткүзүлидиған кино – филим фестивали җәрйанида һазирқи заман түрк киночилиқиниң мунәввәр үлгилири америкалиқ тамашибинлар билән учришиду.

фестивалда рәһа әрдәмниң әң йеңи филими «мән сени таптим йа!», рәис чәликниң «өлүк нени», әрҗан кәсалниң «несип болса, намзатмиз», сәрһат қараасланниң «көрүлди», танқут қалинчниң «дәрсаадәт аиликләр бинаси», үмид үналниң «муһәббәт, сеһир вә башқилар» вә бариш атайниң «әдән» намлиқ филимлири көрситилиду.

фестивалда йәнә, дәниз тортумниң «маддиниң һаләтлири» вә елизабет лониң «хата» һөҗҗәтлик филимлириму көрситилиду.

2001- йилидин буйан давамлишип келиватқан фестивалда нормал кино – филимләр билән бирликтә, 2006- йилдин башлап һәр йили һөҗҗәтлик филим вә қисқа филим мусабиқилиридә мукапатланған филимләрдинму арийәләр қойулиду.

фестивал җәрйанида филимлири мукапатқа еришкән түрк режиссорларниң иштирак қилиши билән бир тор йиғини өткүзүлиду.

 



مۇناسىۋەتلىك خەۋەرلەر