28 ming yil ishletkili bolidighan batariye yasaldi
amérikaning bir batariye shirkiti almas we yadro éshindiliridin yasalghan we tok qachilimastin 28 ming yilghiche ishletkili bolidighan batariyeni tonushturdi.
türkiye awazi radiyosi xewiri: merkiziy kaliforniyege jaylashqan «nano almas batariye shirkiti» (Nano Diamond Battery), almas we yadro éshindiliridin paydilinip 28 ming yilghiche tok qachilimay ishletkili bolidighan batariye ishlepchiqardi.
mezkur batariyening alem tetqiqatliri üchün ümid ikenliki bildürüldi.
batariyening énérgiyeni yadro éshindiliridin, bolupmu qayta ishletkili bolidighan radiyaktip izotoplardin alidighanliqi qeyt qilindi.
izotoplar teripidin tarqalghan énérgiyeni sümürüsh üchün, batariyening nano almas bilen qaplanghanliqi eskertildi.
izotoplarning minglarche yilliq ömrining bolushi we almaslarmu nahayiti yaxshi issiqliq ötküzidighanliqi üchün, batariyege tok qachilashqa kérek qalmaydiken.
nano almas batariye shirkitining qurghuchisi doktor nima golsharifi (Nima Golsharifi), batariyeni yüzlerche yil ishletkili bolushtin sirt, yadro éshindilirini yaxshi nersige aylandurushtek artuqchiliqqa ige ikenlikini qeyt qildi.
u yanfon we bashqa éléktironluq buyumlar üchün toqquz yil yétidighan yene bir xil almas batariye yasighanliqlirini we 2023-yilighiche ishletkili bolidighan sewiyege kélidighanliqini bildürdi.
batariyening tennerxining qandaq bolidighanliqi diqqet qozghidi.
séntétik almas we yadro éshindiliridin paydilinishning erzangha toxtmaydighanliqi qeyt qilinmaqta.