wuxen wirusi dunyada ölüm tughut we anilarning ölüm nisbitini ashuruwetken
wuxen wirusi (Kovid-19) mezgilide dunya miqyasida ölük tughut we anilarning ölüm nisbiti texminen üchtin bir hesse ashti.
türkiye awazi radiyosi xewiri: ansét yer shari saghlamliqi zhurnili (The Lancet Global Health) da élan qilinghan 17 dölettiki 40 tetqiqat netijisige asasen teyyarlanghan doklatta, sirtqa chiqish cheklimiliri, tughut xizmetliride körülgen mesililer we saqliq saqlash merkezlirige barmasliq qatarliq mesililerning hamildarliqqa munasiwetlik xeterlerni köpeytiwetkenliki qeyt qilindi.
waba mezgilide dunya miqyasida ölük tughut we anilarning ölüm nisbitining texminen üchtin bir hesse ashqanliqi alahide tekitlengen doklatta, wuxen wirusining hamildar ayallar we yéngi anilarning rohiy jehettiki salametlikige selbiy tesir körsetkenliki bildürüldi.
doklatta, waba mezgilide tughuttin kéyin, chüshkünlük, köp qayghurush qatarliq rohiy alametlerning köpeygenliki eskertildi.
londondiki saint jorj (St George) uniwérstétining piroféssori asma xalil: «wuxen wirusi saqliq sistémilirigha chong tesir körsetti. waba bolupmu töwen we ottura kirimlik döletlerde hem anilarning hemde bowaqlarning aldini alghili bolidighan ölümlirining yüz bérishige seweb boldi» dédi.
