wuxen wirusi bimarlirining qayta dawalinish éhtimali yuqiri

wuxen wirusi bilen yuqumlinip(Kovid-19) dawalanghan bimarlarning texminen üchtin biri, bir ay ichide qayta doxturxanida dawalash astigha élinishqa mejbur bolidu.

1613069
wuxen wirusi bimarlirining qayta dawalinish éhtimali yuqiri

türkiye awazi radiyosi xewiri: ayrish égzeminer (Irish Examiner) torining xewiride bildürülishiche, engliye léstér (Leicester) uniwérstétining tetqiqatchiliri wuxen wirusi bilen yuqumlinip doxturxanigha yatquzulghan we 2020-yili 31-awghusttin burun dawalinip doxturxanidin chiqqan 48 ming bimarning melumatlirini tetqiq qilghan.

tetqiqatta, dawalinip doxturxanidin chiqqan wuxen wirusi bimarlirining qaytidin doxturxanigha yatquzulush we ölüm nisbetliri, nepes yoli, yürek-qan tomur, métabolizm, börek we jiger késelliklirining körülüsh étihtimali tekshürülgen.

texminen 140 kün boyiche közitilgen bimarlarning texminen üchtin biri qayta doxturxanigha yatquzulghan bolup, 5 ming 875 bimar bu waqit ichide jénidin ayrilghan.

tetqiqatchilar wuxen wirusi bimarlirida omumiy nopusqa sélishturghanda, beden ezaliri yétishmesliki, nepeslinishte qiynilish, diyabét, yürek-qan tomur késellikliri nisbitining yuqiri nisbette ashqanliqini qeyt qildi.

tetqiqatchilar tetqiqat netjisini «The British Medical» zhurnilida élan qildi.



مۇناسىۋەتلىك خەۋەرلەر