y t b ning oqush mukapatigha 165 mingdin artuq oqughuchi iltimas sundi
chet eldiki türkler we qérindash xelqler idarisi-y t b(YTB)ning her qaysi jaylardin kelgen oqughuchilarni türkiyede aliy mekteplerde oqush imkaniyitige ige qilidighan 2021-yilliq«türkiye oqush mukapatliri»pirogrammisigha, oqughuchilarning qiziqishi zor boldi.
türkiye awazi radiyosi xewiri: y t b xelqaraliq oqughuchilarning2021-yilliq «türkiye oqush mukapatliri» pirogrammisigha qiziqishining zor bolghanliqi toghrisida yazma bayanat élan qildi.
bayanatta bildürülishiche, 10-yanwar (2021) da bashlanghan türkiye oqush mukapatlirigha iltimas qilish waqti 20 féwralda axirlashqan bolup, 178 dölettin kelgen 165 ming 511 xelqaraliq oqughuchi bu yil türkiyede toluq kurs, magéstirliq we doktorluqta oqush üchün iltimas sunghan.
akadémiklar we y t b mutexesislirining yüz turane körüshüshi netijiside, namzatlar türkiyediki uniwérstétlarda mukapatqa ériship oqush salahiyitige érishidiken.
y t b bashliqi abdullah eren 2021-yilliq türkiye oqush mukapatlirigha sunulghan iltimaslar toghrisida twittérda besh tilda uchur hembehirlidi.
u: «dunyadiki eng keng dairiliq oqush mukapati pirogrammisi bolghan we xelqaraliq oqughuchilarni türkiyede aliy mekteplerde oqush imkaniyiti bilen teminleydighan türkiye mukapatlirigha iltimas sunush axirlashti» dédi.
u mukapat pirogrammisigha dunyaning her qaysi jayliridin kelgen zor qiziqish we rékort sewiyediki iltimaslar üstide toxtilip: «bu yik 178 dölettin kelgen we 165 mingdin artuq iltimas tapshuruwalghan türkiye mukapatlirigha köngül bölgen barliq kishilerge teshekkür éytimen» dédi.
