türkiye wéngiriyedin yüzlerche tarixiy asare - etiqini tapshurup aldi

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu wéngiriyediki dölet ishliri ziyariti dairiside mensepdishi pétér sijjarto bilen körüshti.

ikki ministirning ishtirak qilishi bilen wéngiriyede qolgha chüshürülgen tarixiy asare - etiqilerni körgezme qilish we ötküzüp bérish murasimi ötküzüldi.

chawushoghlu tiwittérdiki adrésida bu heqte melumat bérip: «2015 - yili wéngiriyede qolgha chüshürülgen anadolugha ait tarixiy asare - etiqilerni xelqimizge wakaliten medeniyet we sayahet ministirimiz mehmet nuri ersoygha yetküzup bérish meqsitide tapshurup alduq. dost wingiriyege bu jeryandiki yardemliri üchün minnetdarliq bildürimiz» dédi.

wéngriye qanun ijra qilish tarmaqliri texminen alte yil ilgiri tamozhnida bir aptomobilni tekshürüp, rim dewridiki mermer heykel béshi, mermer heykel, métal, yaghach we tash bilen tenggilerdin terkib tapqan 412 tarixiy asare – etiqini qolgha chüshürgenidi.

türkiye jumhuriyiti medeniyet we sayahet ministirliqi heriketke ötüp, tarixiy asare – etiqilerni türkiyege qayturup kélish musapisini bashlighanidi.

tapshurup élinghan mezkur tarixiy asare - etiqiler paytext enqerediki anadolu medeniyet muzéyida körgezme qilinidu.