наса «қәтий ирадә» ниң марсқа қонғандики көрүнүшләрни елан қилди

америка аләм қатниши идариси-наса (NASA), «қәтий ирадә» (Perseverance ) намлиқ тәкшүрүш аппаратиниң марсқа қонғандики син көрүнүшлирини елан қилди.

1588812
наса «қәтий ирадә» ниң марсқа қонғандики көрүнүшләрни елан қилди

түркийә авази радийоси хәвири: наса «қәтий ирадә» үчүн мәхсус ачқан твиттер бетидә, шәнбә (2021-йили 20-феврал) күни охшимиған үч камерадин тартилған марсқа қонуш син көрүнүшлирини һәмбәһирлиди.

марс атмосферасиға киргән тәкшүрүш аппаратиниң сүритини астилитиш үчүн парашотниң ечилиши билән башланған видеода, төвән тәрәпни көрсәткән камера нуқтисида көк йүзидин сүзүлүп чүшкән «қәтий ирадә» ниң, марс йүзи билән учрашқандики пәйт интайин ениқ көрүниду.

тәкшүрүш аппаратиниң марсқа пилан бойичә қонуши билән, наса мәркизи хушаллиққа чөмди вә аләмдә бир пеланитаға қонуш әмәлийләшкән болди.

«қәтий ирадә» 2020-йили 30-ийун флоридадики суписидин қойуп берилип, тәхминән йәттә айлиқ вә 470 милйон километирлиқ сәпиридин кейин, 20-феврал (2021) да марсқа қонди.

насаниң калифорнийәдики «Jet Propulsion» тәҗрибиханисида йасалған вә плутоний йеқилғу қилинған «қәтий ирадә», һазирғичә марсқа әвәтилгән аппаратлар ичидә йеңи техникиларға игә болуши билән билиниду.

химийәлик анализ қилалайдиған, 20 камера орнитилған, әвришкиләрни йиғиш үчүн ташларни тишидиған үшкә, аптоматик қол вә бир данә кичик тик учари болған «қәтий ирадә» ниң, марста икки йил тәкшүрүштә болиду.



مۇناسىۋەتلىك خەۋەرلەر