«qetiy irade» marsqa muweppeqiyetlik qondi

amérika alem qatnishi idarisi- nasa (NASA), «qetiy irade» namliq tekshürüsh mashinisining marsqa muweppeqiyetlik qonghanliqini élan qildi.

1586758
«qetiy irade» marsqa muweppeqiyetlik qondi

türkiye awazi radiyosi xewiri: nasaning bir tonna éghirliqtiki «rowér» (Rover) tipliq alem mashinisi «qetiy irade», texminen yette ayliq seperdin kéyin, sherqiy amérika waqti 15 tin 55 minut ötkende marsqa qondi.

nasa «qetiy irade» ning marsqa qonush jeryanini téléwiziyede tarqatti. uzun musape sewebidin marsqa qonushning tunji körünüshliri texminen 11 minut kéchikish bilen körürmenlerge yetküzüldi.

nasaning floridagha jaylashqan kéyip kanawéral (Cape Canaveral) hawa armiye bazisidin 2020-yili 30-iyun qoyup bérilgen «qetiy irade», texminen 470 milyon kilométirliq seperdin kéyin, pilan qilinghan waqit boyiche marsqa muweppeqiyetlik qondi.

nasa bir kün burun «qetiy irade» ning toghra linyede ilgirilewatqanliqini we mesilisiz qonushni kütüwatqanliqini bildürgen idi.

«qetiy irade» de 20 dane kaméra we bir jup mikrofon bar bolup, yer sharigha nurghun alahide körünüshlerni ewetidighanliqi, süretke alalaydighan kichik tik ucharni uchuridighanliqi qeyt qilindi.

amérika «qetiy irade» bilen jemiy toqquz qétim marsqa tekshürüsh apparati ewetken birdinbir dölet bolup qaldi.

«bayqash» (InSight) we «qiziqish» (Curiosity) namliq tekshürüsh apparatliri hazirmu mars orbétasida xizmetlirini dawamlashturmaqta.



مۇناسىۋەتلىك خەۋەرلەر