tika sudanda yashlarning kesip igisi bolushigha yardem qildi
türkiye hemkarliq we kordinatsiye agéntliqi-tika (TİKA) ning zeherlik chékimlik xumarliqidin qutulushi üchün ianisige érishken sudan yashliri, kesip igisi bolup, musteqil turumush kechürüshke bashlidi.
türkiye awazi radiyosi xewiri: türkiye hemkarliq we kordinatsiye agéntliqi-tika «xartumda kochida yashaydighan yashlarni kesip igisi qilish layihesi» ramkisida, «bit mekeli jemiyiti» terbiyelewatqan we zeherlik chékimlikke xumar bolup qélishtin qutulghan 105 yashqa, 2020-yili 25-öktebir kepsherlesh mashinisi, éléktir üsküniliri, su saymanliri, aptomobil chaqi rémont qilidighan saymanlar we satirashliq matériyalliri iane qildi.
bezi yashlar layihe bilen özliri igilik tiklidi, bezi yashlar shirketlerde ishlep kespide mutexesisleshti.
bit mekeli jemiyitining qurghuchisi lubna eli muhemmed abdurrahman anadolu agéntliqining ziyaritini qobul qilghanda, tika bilen ijra qilghan ortaq layihening netijilirini bayan qilishtin memnunluq hés qilidighanliqini bildürdi.
u: «yillardin buyan zeherlik chékimlikke xumar bolup qalghan we öysiz kishiler üchün xizmet qiliwatqan bolsaqmu, emma ishlepchiqirishqa munasiwetlik layihelerni emelge ashurush imkaniyitige érishelmigen iduq. tikaning qollishi bilen emeliyleshken bu layihe, dawalash, fizikiliq dawalash, ishqa orunlashturush we panahlinish türliri bolghan we barliq terepliri bilen xelqaraliq layihe boldi. layihening kéyinki basquchida, inshaallah bu yashlarning öylinishige yardem qilimiz. qizlargha munasiwetlik kelgüsi layhemizde, tika bilen téximu zich hemkarlishishni ümid qilimiz. qilghan yardemliri sewebidin tikadin minnetdarmiz» dédi.
