ئافرىندا ئانادولۇ مەدەنىيەت مەركىزى ئېچىلدى

تۈركىيە ئاۋازى رادىيوسى خەۋىرى: تۈركىيە ئارمىيەسىنىڭ زەيتۇن شېخى ھەربىي ھەرىكىتى ئارقىلىق (2018 – يىلى يانۋار – مارت ئايلىرى ئارىلىقىدا) تېررورچىلاردىن خالىيلاشتۇرۇلغان ئافرىندىكى ئانادولۇ مەدەنىيەت مەركىزىنى خىزمەتكە كىرىشتۈرۈش ئۈچۈن ئېچىلىش مۇراسىمى ئۆتكۈزۈلدى.

بۇلبۇلزادە فوندى جەمئىيىتىنىڭ رەئىسى تۇرگاي ئەلدەمىر، YTB ۋە ئاممىۋى تەشكىلاتلارنىڭ ۋەكىللىرى ۋە رايوننىڭ پىشقەدەملىرى ئېچىلىشقا قاتناشتى.

خىزمەتكە كىرىشتۈرۈلگەن ئانادولۇ مەدەنىيەت مەركىزىدە مائارىپ، مەدەنىيەت، سەنئەت پائالىيەتلىرى ئېلىپ بېرىلىدۇ، تىل، ھۆسنخەت، مۇزىكا ۋە كەسىپلەر بويىچە تەربىيەلەش كۇرسلىرى ئېچىلىدۇ.

ئافرىن ئانادولۇ مەدەنىيەت مەركىزىنىڭ باشلىقى مەلىھ ئاي بۇ يەردە 300 دەك ئوقۇغۇچىنىڭ تەربىيىلىنىدىغانلىقىنى بىلدۈرۈپ: «خاتىرجەملىك بەرپا قىلىنغان رايونلاردا مەدەنىيەت مەركەزلىرىنى ئېچىشنى داۋاملاشتۇرىمىز. 2020- يىلى 17- سېنتەبىردە ئازەزدىمۇ بىر مەدەنىيەت مەركىزى ئېچىلدى.» دېدى.