килимат өзгириши балиларниң өсүп йетилишигә тәсир көрсәтмәктә
килимат өзгириши кәлтүрүп чиқарған температура өрлиши, балиларниң йетәрлик озуқлиналмаслиқиға сәвәб болуватмақта икән.
түркийә авази радийоси хәвири: «Phys.org» тор бетини бир хәвиридә билдүрүлишичә, америка вермонт (Vermont) универстетиниң тәтқиқатчилири «муһит тәтқиқат хети» (Environmental Research Letters) журнилида, асийа, африқа вә җәнубий америкадики 19 дөләттә йашайдиған 107 миң балиниң күндилик озуқлиниши тәкшүрүлгән тәтқиқат доклати елан қилған.
тәтқиқатчилар килимат өзгиришигә мунасивәтлик оттуричә температураниң өрлиши вә һөл-йиғин миқдариниң көпийишиниң озуқлиниш хилму хиллиқини азайтқанлиқини байқиған.
тәтқиқат нәтиҗисидә көрситилишичә, килимат өзгиришиниң әң еғир тәсиригә учриған дөләтләрдә бәш йаштин төвән балилар, бир күндә гөш, сүт, белиқ, пурчақ түрдидики йемәкликләр вә ашлиқ дан йемәкликлиридин тәшкилләнгән 10 түрдики йемәкликләрдин оттуричә үчтин икки қисимни истемал қилалиған.
мәзкур дөләтләрдики бәш йаштин төвән һәр үч балиниң биридә, балиларниң өсүп-йетилиши үчүн муһим болған төмүр, синик, йопурмақ кислатаси, A витамин вә D витамин қатарлиқ озуқлуқ маддилири йетәрсиз болған.
б д т мәлуматлириға асасланғанда, 2019-йили дунйа миқйасида бәш йаштин төвән 144 милйон бала йетәрсиз озуқлиниш сәвәбидин нормал өсүп йетиләлмигән. 47 милйон бала болса, дәриҗидин ташқири оруқ болуп, аҗизлап кәткән.
