amérika alimliri yer sharigha oxshaydighan bir pilanéta bayqidi
amérika alimliri bundin 10 milyard yil burun shekillengen yultuz sistémisi ichide qiyaliqliri bolghan bir «derijidin tashqiri» pilanéta bayqighanliqlirini élan qildi.
türkiye awazi radiyosi xewiri: amérika alimliri bundin 10 milyard yil burun shekillengen yultuz sistémisi ichide qiyaliqliri bolghan bir «derijidin tashqiri» pilanéta bayqighanliqlirini élan qildi.
alimlar samanyoli sistémisidin bir qanche milyard yil kéyin shekillengen yultuz sistémisining bir parchisi bolghan pilanétada, hayatliqqa munasiwetlik bir alametning tépilmighanliqini, emma uzun ömür körgen buninggha oxshash pilanétalarning ötmüshide, hayatliq bolghanliqi toghrisidiki éhtimalliqning yuqiri ikenlikini bildürdi.
haway uniwérstétining piroféssori lorén ways (Lauren Weiss) amérika astronomiye jemiyitining yilliq yighinida: «bizning yer sharimiz texminen 5 milyard yildin buyan bar. 10 milyard yildin buyan etrapida qiyaliq bolghan bir pilanétada némilerning bolushi mumkinlikini oylap béqinglar. men choqum bilishni xalayttim» dédi.
u bilim dunyasida hayajan peyda qilghan pilanétaning, uning etrapida aylinidighan yultuzgha qaraydighan qismida magma okyanining barliqini we ashu yultuzning orbitasida yene ikki kichik pilanétaning bar bolush mumkinlikini eskertti.
«TOI-561 b» dep nam bérilgen pilanétaning yer sharidin ikki hesse chongluqi we orbétasida aylinidighan yultuzning etrapidiki aylinishini yer sharidiki bir kündin az bolghan wqitta tamamlaydighanliqi qeyt qilindi.
