y t b türkiyede oqush püttürgenlerni qollash pirogrammisi élan qildi
chet eldiki türkler we qérindash xelqler idarisi-y t b (YTB) türkiyede oqush püttürgenlerge qaritilghan xizmetlirini dawamlashturmaqta.
türkiye awazi radiyosi xewiri: türkiyede oxshimighan uniwérstétlarda toluq kurs, aspirantliq we doktorluqta oqup, oqush püttürgendin kéyin, özining döletlirige qaytqan minglarche xelqaraliq oqughuchi, türkiyede oqush püttürgenler ailisige akadémik, siyasetchi, soda-sanaetchi, iqtisadshunas, tenterbiyechi we senetchi bolup qétildi.
y t b türkiyedin qaytqandin kéyin öz döletliride we xelqaraliq sehnilerde muweppeqiyetlik netijilerni qolgha keltürgen, öz döletlirining tereqqiyatida muhim rollarni üstige alghan türkiyede oqush püttürgenlerni qollash üchün ikki pirogramma élan qildi.
y t b «türkiyede oqush püttürgenlerni akadémik jehettin qollash pirogrammisi» we «türkiyede oqush püttürgenler tenterbiye xizmetliri mukapati we qollash pirogrammisi» bilen, türkiyede oqush püttürgenlerni maddiy jehettin qollaydu.
türkiyede oqush püttürgenlerni akadémik jehettin qollash pirogrammisi ramkisida, türkiyede oqush püttürgen akadémik tetqiqatchilarning, türk medeniyiti, tili we tarixi heqqide qilghan tetqiqatliri yardemge érishidu.
türkiyede oqush püttürgenler tenterbiye xizmetliri mukapati we qollash pirogrammisi ramkisida, türkiyede oqush püttürgen tenterbiyechilerning kélechektiki muweppeqiyetlirini qollash meqsitide, mukapat bérilidu. pirogramma ramkisida, xelqaraliq we rayonluq musabiqilerde, muweppeqiyetke érishken türkiyede oqush püttürgenler qollashqa érishidu.
pirogrammilargha 2021-yilidin bashlap yil axirighiche «basvuru.ytb.gov.tr» adrésidin iltimas qilighili bolidu. pirogrammigha munasiwetlik uchurlarni «www.turkiyemezunlari.gov.tr» körgili bolidu.
