مىكروسوفت شىركىتىنىڭ قىممىتى ئاشتى

تۈركىيە ئاۋازى رادىيوسى خەۋىرى: مىكروسوفتنىڭ ھەر بىر پاي چەكلىرى سەيشەنبە (29-ماي) كۈنىنى نىيۇ يورك پاي چېكى بازىرىدا %0.4 چۈشۈش بىلەن ئاخىرلاشتۇردى. شىركەتنىڭ بازار قىممىتى 753 مىليارد دوللار سەۋىيەسىدە بولدى. گوگۇلنىڭ باش شىركىتى ئالفابېتنىڭ پاي چەكلىرى سەيشەنبە كۈنىنى %1.5 چۈشۈش بىلەن ئاخىرلاشتۇردى. شىركەتنىڭ بازار قىممىتى 739 مىليارد دوللار بولدى.

مىكروسوفت بۇ نەتىجە بىلەن ئالفابېتنىڭ بازار قىممىتىنى ئارقىدا قالدۇرۇپ، دۇنيادىكى ئەڭ قىممەتلىك ئۈچىنچى شىركەت بولدى.

گوگۇلنىڭ بازار قىممىتى مىكروسوفتنى 2012-يىلى تۇنجى قېتىم ئارقىدا قالدۇرغان ئىدى. 2015-يىلى ئالفابېت گوگۇلنىڭ باش شىركىتى بولۇپ قۇرۇلغاندىن بۇيان شىركەتنىڭ بازار قىممىتى مىكروسوفتنىڭ ئالدىدا ئىدى.

يەنە بىر تەرەپتىن، يېقىنقى بىر يىلدا مىكروسوفتنىڭ پاي چەكلىرى %41.2 ئۆرلىدى، ئالفابېتنىڭ بولسا پەقەت 14.5% ئۆرلىدى. ئامازون شىركىتى سەيشەنبە كۈنىدىن تارتىپ، 782.6 مىليارد دوللار بىلەن دۇنيادا بازار قىممىتى ئىككىنچى شىركەت بولدى. ئالما (Apple) شىركىتى 923.5 مىليارد دوللار بىلەن بازار قىممىتى ئەڭ يۇقىرى بىرىنچى شىركەت بولدى.