белградта истанбул фото - сүрәт көргәзмиси ечилди
сербийәниң пайтәхти белградта истанбулни тема қилған икки айрим фото – сүрәт көргәзмиси ечилди.
түркийә авази радийоси хәвири: мәдәнийәт вә сайаһәт мәслиһәт кеңиши билән белград йунус әмрә институтиниң белградта ачқан истанбул темилиқ фото – сүрәт көзгәзмилири сәнәтсөйәрләр билән учраштурулди.
белградта ечилған ара гүләрниң «истанбулниң көзи» вә дуйгу сәринниң «көк – қизил истанбул» намлиқ фото – сүрәт көргәзмилири күчлүк қизиқиш қозғиди.
түркийәниң белградта турушлуқ баш әлчиси танҗу билгич көргәзмә орнида байанат берип, гүләрниң һайати вә фото – сүрәтлириниң әһмийити тоғрисида белградлиқларға мәлумат бәрди.
белград мәдәнийәт мәслиһәтчиси дәрйа баһадирму сербийәгә истанбулни тонутушни пиланлиғанлиқлирини әскәртип, «истанбулни чүшәндүрүш үчүн гүләрдинму мувапиқ бир сәнәтчи йоқ. шуңа гүләрниң көргәзмисини сербийә хәлқиниң алдиға елип кәлдуқ» деди.
пайтәхттики дөләтлик көргәзмә залида болса, белград йунус әмрә институти тәрипидин ечилған дуйгу сәринниң «көк – қизил истанбул» темилиқ фото – сүрәт көргәзмиси зийарәтчилирини күтүвалди.
көргәзминиң ечилиш мурасимиға иштирак қилған баш әлчи билгич, сербийә вә түркийә хәлқиниң икки дөләт сәнәтчилири арқилиқ учришишини муһим, дәп қарайдиғанлиқини қәйт қилди.
гүләрниң «истанбулниң көзи» намлиқ көргәзмиси 6 – мартқичә؛ сәринниң «көк – қизил истанбул» намлиқ көргәзмиси болса, 15 – мартқичә зийарәтчилирини қарши алиду.
