бүгүн норуз байрими
миллий байримимиз вә иҗтимаий һайатимиз үчүн интайин муһим мәниләргә игә болған норуз байримимизни тәбрикләймиз.
түркийә авази радийоси хәвири: норуз түрк дунйасиниң шималидин җәнубиғичә, ғәрбидин шәрқигичә болған кәң кәткән земинда охшимиған намлар билән атилидиған вә тәбиәтниң қайтидин ойғинишини билдүридиған, шундақла йүз йиллардин буйан охшаш роһи кәйпийат ичидә тәбриклинип кәлгән йеңи йил байримидур. хушаллиқ күни болған норуз, кишиләрниң бир йәргә җәм болуп, һал – әһвал соришиға имканийәт йаритип бериду.
норуз байрими түрк миллиити игә болған вә әсирләрдин бери әвладму әвлад мирас қалдуруп, бүгүнгичә давамлаштуруп кәлгән муһим мәдәнийәт байлиқлиридин бири. норуз байримиға охшаш әнәнилиримиз, йилтизи чоңқур милләт болуштәк күчимизни көрситип бериду.
миңларчә йиллардин буйан һечқачан өчүп бақмиған норуз гүлхени, келәчәктиму кишиләрни бир – биригә мустәһкәм бағлап, мәнисигә уйғун шәкилдә бирлик вә баравәрлик ичидә чоңқур сөйгү билән тәбриклиниду.
