русийә украинаға америка йардими келиштин илгири һуҗумлирини күчәйтидиған болди
русийә федерасийәси дөләт мудапиә министири сергей шойгу украина армийәсиниң транспорт ул әслиһәлиригә зийан селиш үчүн алдимиздики бир нәччә һәптә ичидә һуҗумларни күчәйтидиғанлиқини ейтти.
түркийә авази радийоси хәвири: уруш тәтқиқати институти (ISW) ниң қаришичә, русийә армийәси американиң йеңи қанун лайиһиси билән украинани қоллап қуввәтләш үчүн ташлиған қәдимигә җавабән учқучисиз айропилан вә башқурулидиған бомба һуҗумлирини күчәйтидикән.
һәрбий мутәхәссисләрниң қаришичә, шойгуниң украинаниң «транспорт ул әслиһәлиригә» (зийан селишни) алаһидә тәкитлишидики мәқсити қатнаш линийәси вә қорал амбарлирини битчит қилишни көрситидикән.
кәлгүси бир нәччә һәптә ичидә, русийә армийәси һуҗум һәрикитини күчәйтип, америка йардими йетип келиштин илгири украина қораллиқ қисимлириниң әмәлий аҗизлиқлиридин пайдилинишқа тиришидикән.
шойгу байанатида, бу һәрикәтниң часов йар, авдевиканиң ғәрби қисми шундақла донетсикниң ғәрби вә ғәрбий җәнубини өз ичигә алидиғанлиқини елан қилди.
19 - апрелда, русийә армийәси украинаниң днепропетровиский райониниң қатнаш ул әслиһәлиригә күчлүк зәрбә бәргән иди.
мутәхәссисләрниң қаришичә, кәлгүси бир нәччә һәптә ичидә украинаниң алақә линийәсини үзүп ташлаш үчүн мушуниңға охшаш һуҗумларниң тәкрарлиниши вә кеңәйтилиши мумкин икән.
русийә федерасийәси һәрбий қоманданлиқ оргини украинаниң алдинқи сәптики һалқилиқ районлиридики һәрбиләрниң мәвҗутлиқи вә арқа сәп тәминат имканийәтлирини чәклик һалға чүшүрүш шундақла американиң йардими билән тәң украина армийәсиниң күчийиишни кечиктүрүшни пиланлимақта икән.
