ھىندىستان باشقۇرۇلىدىغان بومبا سىناق قىلدى
ھىندىستان «Crystal Maze-2» ناملىق 250 كىلومېتىر مۇساپىلىك باللىستىك باشقۇرۇلىدىغان بومبىنى مۇۋەپپەقىيەتلىك سىناق قىلدى.
تۈركىيە ئاۋازى رادىيوسى خەۋىرى: ھىندىستان دۆلەت مۇداپىئە مىنىستىرلىقىنىڭ بىلدۈرۈشىچە، «Crystal Maze-2» ناملىق 250 كىلومېتىر مۇساپىلىك باللىستىك باشقۇرۇلىدىغان بومبا مۇۋەپپەقىيەتلىك سىناق قىلىنغان. ئوتتۇرا مۇساپىلىك باللىستىك باشقۇرۇلىدىغان بومبىنىڭ مۇۋەپپەقىيەتلىك سىناق قىلىنىشى بىلەن ناھايىتى زور مۇۋەپپەقىيەت قولغا كەلتۈرۈلگەن بولۇپ، بۇ مەزكۇر باشقۇرۇلىدىغان بومبىنىڭ مەزشغۇلات ئىقتىدارىنىڭ ئىسپاتى ئىكەن.
ھىندىستان دۆلەت مۇداپىئە مىنىستىرلىقى باياناتچىسى بھارات بھۇشان بابۇ، ئاممىۋى ئورتاقلىشىش تور بېتى X سەھىپىسىدە بۇ ھەقتە ئېلان قىلغان باياناتىدا، مۇنداق دېدى:
«بۇ سىناق مەشغۇلات تەييارلىقىنىڭ، شۇنداقلا تېخنولوگىيەلىك تەرەققىياتنىڭ ناماياندىسىدۇر.»
ھىندىستان 4-ئاپرېل كۈنىمۇ «Agni Prime» ناملىق يېڭى ئەۋلاد يەرلىك باللىستىك باشقۇرۇلىدىغان بومبىنىڭ مۇۋەپپەقىيەتلىك سىناق قىلىنغانلىقىنى ئۇقتۇرغانىدى.
