israiliyening hujumlirida qaza qilghan pelestinlikler sani 34183 ke yetti
israiliye armiyesining 200 kündin buyan dawamlashturuwatqan ghezze hujumlirida qaza qilghan pelestinlikler sani yéqinqi 24 saet ichide 32 adem köpiyip, jemiy 34183 ke yetti.
2131004
türkiye awazi radiyosi xewiri: ghezzediki pelestin sehiye ministirliqi israiliyening 195 kündin buyan dawamlashturuwatqan ghezze hujumliri toghrisida bayanat élan qildi.
bayanatqa qarighanda, israiliye armiyesining yéqinqi 24 saet ichide ghezze rayonigha qilghan hujumida yene 32 pelestinlik hayatidin ayrilghan, 59 pelestinlik yarilanghan.
bayanatqa qarighanda, israiliyening 2023-yili 7-öktebirdin buyan dawamlashturuwatqan ghezze hujumlirida qaza qilghan pelestinlikler sani 34183 ke, yarilanghanlar sani 77143 ke yetken.
bayanatta, ghezzede yéqinqi 10 kün ichide öltürülgenler sanining 469 ikenliki qeyt qilindi.
bayanatta yene, xarabiliklerning astida we yol boylirida qaza qilghan kishilerning barliqi, emma israiliye eskerlirining tosalghusi sewebidin, dawalash etriti we xelq mudapie xadimlirining jesetlerni yötkiyelmeywatqanliqi qeyt qilindi.
