исраилийәниң һуҗумлирида қаза қилған пәләстинликләр сани 34183 кә йәтти
исраилийә армийәсиниң 200 күндин буйан давамлаштуруватқан ғәззә һуҗумлирида қаза қилған пәләстинликләр сани йеқинқи 24 саәт ичидә 32 адәм көпийип, җәмий 34183 кә йәтти.
2131004
түркийә авази радийоси хәвири: ғәззәдики пәләстин сәһийә министирлиқи исраилийәниң 195 күндин буйан давамлаштуруватқан ғәззә һуҗумлири тоғрисида байанат елан қилди.
байанатқа қариғанда, исраилийә армийәсиниң йеқинқи 24 саәт ичидә ғәззә райониға қилған һуҗумида йәнә 32 пәләстинлик һайатидин айрилған, 59 пәләстинлик йариланған.
байанатқа қариғанда, исраилийәниң 2023-йили 7-өктәбирдин буйан давамлаштуруватқан ғәззә һуҗумлирида қаза қилған пәләстинликләр сани 34183 кә, йариланғанлар сани 77143 кә йәткән.
байанатта, ғәззәдә йеқинқи 10 күн ичидә өлтүрүлгәнләр саниниң 469 икәнлики қәйт қилинди.
байанатта йәнә, харабиликләрниң астида вә йол бойлирида қаза қилған кишиләрниң барлиқи, әмма исраилийә әскәрлириниң тосалғуси сәвәбидин, давалаш әтрити вә хәлқ мудапиә хадимлириниң җәсәтләрни йөткийәлмәйватқанлиқи қәйт қилинди.
