нетанйаһу рәфаһқа һуҗум қилишниң шәрт икәнликини билдүрди
баш министир нетанйаһу исираилийәниң һуҗумлиридин қачқан 1.5 милйон пәләстинлик панаһлиниватқан җәнубтики рәфаһ шәһиригә қуруқлуқтин һуҗум қилиш вақтиниң бекитилгәнликини билдүрди.
түркийә авази радийоси хәвири: исираилийә баш министири нетанйаһу екс (X) адресида ғәззәдә инсаний апәт кәлтүрүп чиқириватқан һуҗумлар тоғрисида учур һәмбәһрлиди.
у учурида, ғәззәдики әсирләрниң қойуп берилиши вә «һамас үстидин ғәлибә қилиш» ни нишан қилғанлиқлирини әскәртти вә буниң үчүн рәфаһқа һуҗум қилишниң шәрт икәнликини илгири сүрди.
у исираилийәниң бомбардиманлиридин қечип йурт-маканлиридин айрилған 1.5 милйон киши панаһлиниватқан рәфаһқа қуруқлуқтин һуҗум қилиш һәққидә тохтилип: «бу әмәлгә ашиду, вақти бекитилди» деди.
дөләт мудапиә министири йов галлант түнүгүн (8-апрел) исраилийә армийәсиниң зор ханивәйранчилиқларни кәлтүрүп чиқарған ғәззәниң җәнубидики хан йунустин җәнубтики рәфаһқа һуҗум қилишқа тәййарлиқ қилиш мәқситидә чекингәнликини билдүргән иди.