блинкен аббас билән телефонлишип, пәләстиндә йеңи қурулған ички кабинет тоғрисида сөзләшти

түркийә авази радийоси хәвири: америка ташқи ишлар министирлиқи байанат елан қилип, министир антоний блинкенниң пәләстин дөләт рәиси мәһмуд аббас билән телефонлишип, вашингтонниң пәләстиндә қурулған йеңи кабинетни қарши алидиғанлиқини һәмдә униң билән һәмкарлишип хизмәт қилишни үмид қилидиғанлиқини билдүргәнликини уқтурди.

йеңи кабинет билән ийордан дәрйасиниң ғәрбий қирғиқи вә ғәззәдики пәләстин хәлқигә техиму йахши шараит һазирлап бериш йолида техиму күчлүк тиришчанлиқ көрсәткили болидиғанлиқини билдүргән блинкен, тездин ғәззәдики әсирләрни қойуп берип, уруш тохтитишни капаләткә игә қилиш керәкликини, мушундақ қилғанда, районға техиму тез сүрәттә инсанпәрвәрлик йардәм әшйалирини йәткүзгили болидиғанлиқини оттуриға қойди.

у йәнә, исраилийә бихәтәрлик капалитигә еришкән әһвалда, өзлириниң мустәқил пәләстин дөлитиниң қурулуши нишанида чиң туридиғанлиқлирини қайта тәкитлиди.