گىرېتسىيە بىر كۆچمەنگە زوراۋانلىق قىلغان تۆت ساقچىنى نازارەت ئاستىغا ئالدى

تۈركىيە ئاۋازى رادىيوسى خەۋىرى: گىرېتسىيە پۇقرالارنى قوغداش مىنىستىرلىقى بايانات ئېلان قىلىپ، شىكايەتكە ئاساسەن ئېلىپ بېرىلغان تەكشۈرۈشتە، تۆت نەپەر چېگرا ساقچىسىنىڭ مەركەزدە تۇرۇۋاتقان بىر كۆچمەننى ئۇرغانلىقىنىڭ دەلىللەنگەنلىكىنى ئۇقتۇردى.

تاياق يېگەن كۆچمەننىڭ قوۋۇرغىسىنىڭ سۇنۇپ كەتكەنلىكىگە ئىشارەت قىلىنغان باياناتتا، ۋەقەگە چېتىشلىق چېگرا ساقچىلىرىنىڭ مۇناسىۋەتلىك تەپتىش مەھكىمىسىگە يوللانغانلىقى تەكىتلەندى.

باياناتتا يەنە، ساقچىلارنىڭ جىسمانىي زوراۋانلىق قىلىش جىنايىتى سادىر قىلىش بىلەن ئەيىبلەنگەنلىكى ۋە زوراۋانلىققا ئۇچرىغان كۆچمەننىڭ دوختۇرخانىدا داۋالىنىۋاتقانلىقى قەيت قىلىندى.