җәнубий африқа исраилийә армийәси сепидә уруш қилған пуқралирини қолға алидиғанлиқини уқтурди

түркийә авази радийоси хәвири: җәнубий африқа ташқи ишлар министири наледи пандор африқа дөләт мәҗлисиниң җәнубий африқаниң пәләстин билән һәмкарлишиши тоғрисидики йиғинда, исраилийә армийәси сепидә вәзипә өтигән җәнубий африқа пуқралириниң дөләт тәвәликигә киргән һаман қолға елинидиғанлиқини елан қилип: «мән байанат елан қилип, өзи җәнубий африқалиқ туруп, исраилийә дөләт мудапиә армийәси билән биллә йаки ичидә җәңгә қатнашқанларни <биз тәййар, йуртқа қайтқан чеғиңларда силәрни қолға алимиз> дәп агаһландурдум» деди.

пандор сөзини давамлаштуруп: «биз пәләстин хәлқи билән (исраилийә ғәззәгә һуҗум башлиған) 8-өктәбир (2023) дә тонушмидуқ, улар билән нәччә он йилдин буйан бирликтә күрәш қиливатимиз» дегәнләрни қәйт қилди.