җо байдин: «нетанйаһу әмдиликтә исраилийәгә пайдидин бәкрәк зийан йәткүзиватиду»
америка пирезиденти җо байдин рафаһ чегра еғизиниң өзигә нисбәтән бир «қизил сизиқ» икәнликини тәкитләп, исраилийә баш министири бенйамин нетанйаһуниң «исраилийәгә әмдиликтә пайдидин көп зийан йәткүзиватқанлиқини» ейтти.
түркийә авази радийоси хәвири: америка пирезиденти җо байдин <MSNBC> қанилида тарқитилған бир программиниң зийаритини қобул қилип, күн тәртиптики асаслиқ темилар үстидә тохталди.
җо байдин нетанйаһуниң ғәззәдики һуҗумлири вә бу һуҗумларда өлтүрүлгән 30 миңдин артуқ пуқраниң мәсулийитиниң еғир икәнликини тилға елип, бунчә инсанларниң пәқәт һамасни қоғлаш үчүнла өлтүрүлүшкә болмайдиғанлиқини тәкитлиди.
җо байдин, «баш министир бенйамин нетанйаһуға қарита қизил сизиқиңиз немә? бирәр қизил сизиқиңиз барму? мәсилән؛ рафаһни ишғал қилиш бир қизил сизиқ болаламду?» дегән соалға җаваб берип, «бу бир қизил сизиқтур. әмма һәргизму исраилийәни ташлимаймиз. исраилийәниң мудапиәси йәнила һалқилиқ әһмийәткә игә» деди.
байдин нетанйаһуниң әмдиликтә исраилийәгә пайдидин көп зийан елип келиватқанлиқини тилға елип, ғәззәдә өлтүрүлгәнләр саниниң интайин көп икәнликини, нетанйаһу һөкүмитиниң «қандақ қилғанда пуқраларниң һайатини һуҗум нишани қилмаймиз?» дегән мәсилигә җиддий әһмийәт бериши керәкликини тәкитлиди.
