исраилийә армийәсидә кәң көләмлик истепа бериш долқуни көтүрүлди

түркийә авази радийоси хәвири: исраилийәниң «14-қанал» телевизийәсиниң хәвиридә, «байанатчи хагариниң гурупписидики иккинчи күчлүк шәхс моран катз билән учур системисидики нурғун мәсуллар ғәззәдики уруш сәвәбидин бирликтә истепа бәрди» дейилди.

хәвәрдә, истепа бәргәнләрниң ичидә исраилийә армийәсиниң ташқи ахбарат байанатчиси ричард һечниңму барлиқи билдүрүлди.

йеқинқи айларда елан қилған исраилийә доклатида, ғәззә районидики урушни башқуруш вә уруштин кейинки пилан сәвәбидин һөкүмәт билән исраилийә армийәси оттурисида чоңқур ихтилапларниң барлиқи ашкариланған иди.

исраилийәниң 7 - өктәбир (2023) дин буйан ғәззә райониға қилған вәһшиләрчә һуҗумида кәм дегәндә 13 миң 230 кичик бала вә 8 миң 860 айални қошқанда 30 миң 410 пәләстинлик қирғин қилинған, 71 миң 700 пәләстинлик йариланған иди.

харабилик астида һазирму миңлиған пәләстинликниң җәсити барлиқи билдүрүлмәктә.

исраилийә қисимлири хәлқ панаһлиниватқан дохтурхана вә маарип орунлирини һуҗум нишани қилип, пуқраларниң ул-әслиһәлирини вәйран қилмақта.