исраилийәниң вашингтондики әлчиханиси алдида бир әскәр өзигә от қойуп бәрди

түркийә авази радийоси хәвири: америка һава армийәсидә актип вәзипә өтәватқан 25 йашлиқ арон бушнелниң наразилиқи вә өзигә от қойуп бәргән чағда синға елинған видео көрүнүшлири иҗтимаий таратқуларда кәң тарқалди.

видеода, бушнел һәрбий форма кийгән һалда өзиниң америка һава армийәсидә актип вәзипә өтәватқан бир әскәр икәнликини тонуштуруп: «әмди ирқий қирғинчилиққа қатнашмаймән» дәйду.

бушнел исраилийәниң вашингтондики әлчиханиси алдида, « мән һазир бир қәдәр еғир наразилиқ билдүрмәкчимән, әмма пәләстинликләрниң ишғалчиларниң қолида баштин кәчүрүватқанлириниң алдида мениң бу һәрикитим чоң иш әмәс» дәйду.

бушнел исраилийә әлчиханисиниң алдида бешиға бензин қуйуп, өзигә от қойуп бәргәндин кейин таки нәпси тохтиғанға қәдәр «пәләстингә әркинлик!» дәп қайта-қайта варқирайду.

әлчихана сақчилириниң «сизгә йардәм қилаламдим?» дәп сориғандин кейин, «дәрһал йәрдә йат!» дегән сөзлири, башқа бир сақчиниң болса, «қоралға әмәс, от өчүргүчкә еһтийаҗлиқмиз» дегәнлики аңлиниду.

вашингтон от өчүрүш тармиқи вә җиддий қутқузуш мулазимәт әмәлдариниң ейтишичә, бу вәқә һәққидә шу йәрниң вақти 13:00 әтрапида вашингтон от өчүрүш тармақ әтритигә телефонда хәвәр берилгән.

телфонда  бир кишиниң вашингтондики исраилийә әлчиханиси бинаси алдида өзигә от қойуп бәргәнликилики билдүрүлгән.

от өчүрүш идариси мәсули: «биз нәқ мәйданға йетип барғанда, форма кийгән мәхпий хадим тәрипидин отниң өчүрүлгәнликини көрдуқ» дәп байанат елан қилған иди.

мәсуллар өзигә от қойуп бәргән кишиниң районлуқ дохтурханида балнестқа елинғанлиқини, еғир йариланғанлиқи сәвәбидин әһвалиниң интайин хәвплик икәнликини билдүргән болсиму, әмма униң кимлики йаки бағлиниши тоғрисида һечқандақ тәпсилий мәлумат бәрмигән иди.