әнглийә русийәгә қарши йеңи ембарго йүргүзиду
әнглийә украинани ишғал қилиш уруши башлиғанлиқиға икки йилни тошқузған русийәгә қарши муһим кирим мәнбәлирини нишан қилған ембарго йүргүзидиғанлиқини җакарлиди.
түркийә авази радийоси хәвири: әнглийә ташқи ишлар вазарити украина-русийә уруши башланғанлиқиға икки йил тошуштин икки күн илгири байанат елан қилип, русийәгә қарши 50 дин артуқ шәхс вә идарә-органларни нишан қилған йеңи ембарго йүргүзидиғанлиқини билдүрди.
байанатта, ембарголарниң әнглийәниң украинаға болған тәврәнмәс қоллишини намайан қилидиғанлиқи қәйт қилинди.
байанатта, ембарголарниң ракета етиш системилири, башқурулидиған бомба вә партлатқуч қатарлиқ оқ-дора билән тәминлигүчиләргә бесим қилидиғанлиқи, русийәниң муһим кирим мәнбәлириниму нишан қилидиғанлиқи, метал, алмас вә енергийә содилириға чәклимә қойуп, пул-муамилә мунасивәтлириниму һәр нуқтидин үзүп ташлайдиғанлиқи билдүрүлди.
әнглийә ташқи ишлар вәзири давид камерон бу һәқтә тохтилип: «хәлқара иқтисадий бесим, русийәниң бу қанунсиз ишғални иқтисадий җәһәттин қоллийалмайдиғанлиқини билдүриду. ембарголиримиз путинни уруш үчүн еһтийаҗлиқ болған иқтисадий мәнбәләрдин мәһрум қалдуриду» деди.
