сиси: мисир билән түркийә ғәззә мәсилисидә йахши нәтиҗиләрни қолға кәлтүрәләйду
мисир пирезиденти абдулфәттаһ әссиси: «мисир билән түркийә ғәззә мәсилисидиму қолни қолға тутушуп интайин йахши нәтиҗиләрни қолға кәлтүрәләйду» деди.
түркийә авази радийоси хәвири: мисир пирезиденти абдулфәттаһ әссиси рәсмий дөләт шилири зийаритидә болуш үчүн қаһирәгә йетип кәлгән җумһур рәис рәҗәп таййип әрдоған билән бирликтә өткүзүлгән ахбарат елан қилиш йиғинида сөз қилди.
у җумһур рәис рәҗәп таййип әрдоғанниң аридин 10 йилдин артуқ вақит өткәндин кейин мисирни зийарәт қилғанлиқидин хушаллиқ һес қилғанлиқини билдүрүп: «икки дөләт оттурисида йеңи сәһипә ачимиз» деди.
у рәҗәптаййип әрдоған билән ғәззәниң нквәттики вәзийитини музакирә қилғанлиқлирини әскәртип: «ғәззәдә дәрһал уруш тохтитилиши вә ғәрбий қирғақтики кәскин вәзийәтниң пәсәйтилиши мәсилисидә, түркийә җумһур рәиси билән охшаш пикирдимән» деди.
у түркийә билән өзара һәмкарлиқ орнитишни тәкитләп: «мисир билән түркийә ғәззә мәсилисидиму қолни қолға тутушуп интайин йахши нәтиҗиләрни қолға кәлтүрәләйду» деди.
у мисир-түркийә мунасивәтлири үстидиму тохталди вә мундақ деди:
«пат йеқиндики нишанимиз, түркийә билән 15 милйард долларлиқ сода омумий һәҗимини әмәлгә ашуруш.»
у рәҗәп таййип әрдоғанниң өзини түркийәгә тәклип қилғанлиқини билдүрүп: «җумһур рәис рәҗәп таййип әрдоғанниң апрел ейида түркийәни зийарәт қилиш тәклипини сәврсизлик билән күтмәктимән» деди.
у ахирида мундақ деди:
«мисир түркийәниң африқадики биринчи номурлуқ сода шерики, түркийәму мисир екиспортида муһим орунда туридиған дөләт. районда күчлүк тәсиргә игә бу икки дөләтниң тинчлиқ вә муқимлиқниң әмәлгә ешишида муһим рол ойнийалайду.»