нетанйаһу рәфаһқа һуҗум қилишниң бешаритини бәрди
исираилийә баш министири нетанйаһу бомбардимандин қачқан тәхминән 1.5 милйон киши панаһлиниватқан рәфаһ шәһиригә қуруқлуқтин һуҗум қилишниң башлинидиғанлиқидин бешарәт бәрди.
түркийә авази радийоси хәвири: исираилийә баш министирлиқ ишханиси нетанйаһуниң ғәззәдики тоқунушлар тоғрисида кабент йиғинида қилған сөзлирини елан қилди.
буниңға асасланғанда, нетанйаһу исираилийәниң хәлқара җәмийәт болған мунасивәтләрдә һечқандақ йардәмгә еһтийаҗлиқ әмәсликини тәкитләп: «һамасни йоқитиш» ниң асаслиқ нишан икәнликини ейтқан.
у һазирғичә һамасниң 24 биригадисидин 17 ни йоқатқанлиқлирини билдүрүп: «қепқалған биригадиларниң көпинчиси ғәззәниң җәнуби вә рәфаһта панаһлиниватиду, уларни йоқитимиз» деди.
һамасниң һәрбий қанити иззәддин әл қассам биригадилири 7-өктәбир (2023) исираилийәгә қарши «әқса топани» намида кәң көләмдә һуҗум қозғап, нурғун исираилийәликләрни әсир алған иди.
исираилийә армийәси буниңға җавабән ғәззәдә «төмүр қилич һәрикити» башлиғанлиқини елан қилған иди.
күнсери кәскинләшкән тоқунушларда, көпинчиси кичик балилар вә айаллар болуп, 27 миңдин артуқ пәләстинлик җенидин айрилди.
