йапонийәдики йәр тәврәштә қаза қилғанларниң сани 236 гә йәтти
йапонийәниң ғәрбидики ишикава өлкиси вә бу райондики ното йерим арилиниң деңиз қирғиқида йүз бәргән йәр тәврәштә һайатидин айрилғанларниң сани 236 гә йәтти.
түркийә авази радийоси хәвири: ишикава өлкә валий мәһкимисиниң байанатида, йанварниң биринчи һәптисидә йүз бәргән көп қетимлиқ йәр тәврәштә қаза қилғанлар саниниң 236 гә йәткәнлики билдүрүлди.
буниңдин башқа йәнә, район миқйасидики йәр тәврәшләрдә йариланған саниниң 1178 гә йәткәнлики вә уларниң давалиниватқанлиқи уқтурулди.
байанатта, йәр тәврәштә 43 миң 380 бинаниң зийанға учриғанлиқи, 490 охшимиған тарқақлаштуруш нуқтисида 14 миңдин артуқ кишиниң орунлаштурулғанлиқи, 3500 өйдә ток үзүлүп қилиш, 43 миңдин артуқ өйдә су тохтап кетиш давамлишиватқанлиқи билдүрүлди.
йапонийә метеорологийә идариси (JMA) ниң билдүришичә, 1-йанвардин 5-йанварғичә болған арилиқта ното йерим арили вә ишикава деңиз қирғиқида 5 дин 7 балғичә охшимиған дәриҗидә көп қетим йәр тәврәш йүз бәргән.
