шималий корейә хәлқи әң йахши көридиған чәт әл рәһбири ким?
шималий корейә хәлқиниң русийә пирезиденти владимир путинни әң йеқин дост дәп қарайдиғанлиқи билдүрүлди.
2091572
түркийә авази радийоси хәвири: шималий корейә рәсмий хәвәр агентлиқи ташқи ишлар министири чо сонхуйниң москва зийаритидин кейин елан қилған хәвиридә, русийә рәһбири путинниң шималий корейә хәлқи тәрипидин әң йеқин дост дәп қарилидиғанлиқини билдүрди.
хәвәрдә: «шималий корейә һөкүмити пирезидент путинниң дөлитимизгә қилидиған зийаритидин толиму хушал болиду, шималий корейә хәлқиму әң йеқин достини сәмимий қарши елишқа тәййар» дейилди.
путинниң әң ахирқи қетимлиқ шималий корейә зийарити 2000 - йили елип берилған болуп, у әйни чағда һазирқи рәһбәр ким җоңунниң дадиси ким җоңил билән көрүшкән иди.
