йапонийәдики йәр тәврәштә җенидин айрилғанларниң санида ешиш көрүлди
йапонийәниң ғәрбигә җайлашқан ишикава иштати вә ното йерим арили қирғақлирида йүз бәргән йәр тәврәштә җенидин айрилғанларниң сани 215 кә чиқти.
түркийә авази радийоси хәвири: ишикава иштатлиқ һөкүмити байанат елан қилип, йеңи йилниң тунҗи күнлиридә йүз бәргән йәр тәврәштә җенидин айрилғанлар саниниң 215 кә чиққанлиқини билдүрди.
байанатта, 4 миң 100 дин артуқ бинаниң бузғунчилиққа учриғанлиқи, охшимиған 22 районда 28 миңдин артуқ кишиниң тарқақлаштурулғанлиқи, иштатта қатниши тохтитилған йоллар сәвәбидин 3 миңдин артуқ кишиниң йолларда қапселип қалғанлиқи қәйт қилинди.
байанатта, йәр тәврәштә йариланған җәмий 567 кишиниң һәр қайси дохтурханиларда давалиниватқанлиқи, һазирғичә дерики елиналмиған 38 кишиниң из-дерикини елиш үчүн тиришчанлиқларниң көрситиливатқанлиқи қәйт қилинди.
йапонийә дөләт мудапиә вәзири кихара минору 6 миң 300 әскәрниң районда издәш-қутқузуш хизмәтлиригә қатнашқанлиқини билдүрди.
йапонийә метерологийә идариси 1-2-3- 4-йанвар күнлири ишикаваниң ното йерим арили вә қирғақлирида, төт балдин йәттә балғичә болған йәр тәврәшләрниң йүз бәргәнликини елан қилған иди.
