шиветсийә урушқа қатнишиши мумкин
шиветсийә дөләт мудапиә министири карл оскар болин (Carl Oskar Bohlin) шиветсийәниң урушқа қатнишиши мумкинлики тоғрисида агаһландурди.
түркийә авази радийоси хәвири: шиветсийә дөләт мудапиә министири карл оскар болин сален һәрбий базисида өткүзүлгән мәмликәтлик хәлқ вә мудапиә конферансида сөз қилип, русийәгә қарши әстайидил болуш керәкликини билдүрди.
у мундақ деди:
«шиветсийәму уруш қилиши мумкин, хәлқимиз урушқа тәййар болуши керәк.»
у шиветсийәниң 210 йилдин буйан уруш қилип бақмиғанлиқини әскәртип: «русийәниң 2022-йили февралдин тартип украинаға қиливатқан һуҗумлири нәтиҗисидә, йавропада әслидинла начар болған бихәтәрлик вәзийити техиму начарлашти. русийәниң тез сүрәттә қайтидин қораллинишиға әстайидил муамилә қилиш керәк. тәхминән 210 йил давамлашқан тинчлиқ, шиветсийә хәлқи үчүн мәмнун қиларлиқ йол болди. әмма, бу вәзийәт күнимиздә өзгәрди, бихәтәрлик йаманлашти. мәнму мәсулийәтчан бир министир болуш сүпитим билән, шиветсийә хәлқигә бу әмәлийәтни чүшәндүрүшкә мәҗбурмән» деди.
у шиветсийә һөкүмитиниң дөләтниң урушқа қатнишиш мумкинчилики тоғрисида аң пәйда қилип, мудапиә иқтидарини күчәйтишкә тиришиватқанлиқини, украинаниң русийәгә көрситиватқан қаршилиқини өрнәк қиливатқанлиқини қәйт қилди.
