ئىسپانىيە كوسوۋونىڭ پاسپورتىنى ئېتىراپ قىلدى

تۈركىيە ئاۋازى رادىيوسى خەۋىرى: بىسلىمى كوسوۋو پۇقرالىرى ۋىزىسىز ساياھەت قىلالايدىغان شەنگەن رايونى دۆلەتلىرى (ياۋروپا ئىتتىپاقىغا ئەزا دۆلەتلەر ئارىسىدىكى ئەركىن ساياھەت قىلىش كېلىشىمىگە تەرەپ بولغان دۆلەتلەر) قاتارىغا ئىسپانىيەنىڭمۇ قېتىلغانلىقىنى بايان قىلىپ: «ياۋروپا ئىتتىپاقى كومىسسىيونىنىڭ كۆچمەنلەر ۋە ئىچكى ئىشلار باش ئىدارىسى ئىسپانىيەنىڭمۇ كوسوۋو پاسپورتىنى ئېتىراپ قىلغانلىقىنى ئېلان قىلدى. باشقىچە ئېيتقاندا، بىز بۇنىڭدىن كېيىن ۋىزا ئالماستىن بۇ دۆلەتنى ساياھەت قىلالايمىز» دېدى ۋە سۆزىنى داۋاملاشتۇرۇپ، يېقىندا كوسوۋو پۇقرالىرىغا پايدىلىق باشقا خۇش خەۋەرلەرنىمۇ بېرىدىغانلىقىنى سۆزلىرىگە ئىلاۋە قىلدى.

كوسوۋو پۇقرالىرى 1-يانۋاردىن باشلاپ شەنگەن رايونىغا 180 كۈن ئىچىدە 90 كۈن ۋىزا ئالماستىن بارالايدۇ.

ئىسپانىيە، گىرېتسىيە، رۇمىنىيە، سلوۋاكىيە ۋە قىبرىس رۇم دائىرىلىرى  2008-يىلى بىر تەرەپلىمە ھالدا سېربىيەدىن مۇستەقىل بولغانلىقىنى جاكارلىغان كوسوۋونى ئېتىراپ قىلمايدۇ؛ ئەمما، مەكۇزر دۆلەتلەرنىڭ ئىسپانىيەدىن باشقىلىرى كوسوۋونىڭ ساياھەت ھۆججەتلىرىنى ئېتىراپ قىلاتتى.