исраилийәгә икки басқучлуқ уруш тохтитиш келишими тәклипи сунулғанлиқи илгири сүрүлди

түркийә авази радийоси хәвири: исраилийә таратқулири қатарниң тел авив һөкүмитигә ғәззәдики әсирләрни алмаштуруш тоғрисида икки басқучлуқ бир тәклип сунғанлиқини, тәклипниң биринчи басқучиниң, ғәззәдә тәхминән 1 ай уруш тохтитиш бәдилигә 40-50 исраилийәлик әсирниң қойуп берилишини мәзмун қилидиғанлиқини илгири сүрди.

исраилийә 12-қанили, оттуриға қойулған келишимниң иккинчи басқучиниң исраилийә армийәсиниң ғәззәдин чекинишини мәзмун қилидиғанлиқини билдүрди.

«йәдиот ахронот» гезити исмини ашкарилашни халимиған бир әмәлдарниң сөзлирини мәнбә қилған хәвиридә, 12-қаналниң қатарниң тәклипи тоғрисидики учурлирини дәлиллиди.

әмма, пәләстин исламий қаршилиқ көрситиш һәрикити — һамас буниңдин бурун көп қетим исраилийә билән әсир алмаштуруш келимиши имзалаш үчүн, ғәззәдики һуҗумларниң тәлтүкүс тохтитишни шәрт қилғаниди.